الجمعة، 28 مارس 2014

قالت دينا نبيل


# حوليات
(271)
قالوا عن ..


قالت " دينا نبيل - مصر " عن كتابي : فلسطينيات – وجوه نسائية فلسطينية معاصرة:

" كتاب تحس في كل سطر فيه إن مبذول فيه مجهود كبير مش من نوع الكتب اللي ينفع يتكتب في شهرين مع كوباية شاي..لأ تحس إن كل جزء منه كان فيه بحث وتدقيق.

لكن لو كنت منتظر عمل "أدبي" أو "إنساني" أو فيه تحليل تبقى مخطئ...هو كتاب أرشيفي بشكل أساسي كأنه "ويكيبيديا" لنساء فلسطين مش اكتر و زى ما الموسوعات عودتنا على الدخول في الموضوع على طول من غير مقدمات كثير كان هذا الكتاب.

مشكلتي الأساسية مع الكتاب "مع إن ده طبيعي في النوع ده من الكتب" إنه مش كتاب ممتع خالص , كثرة الشخصيات ورا بعض تخليك تفقد تركيزك شوية أظن إن الهدف الأساسي انك لما تحب تدور على سيدة بعينها تعرف عنها.

اكتر جزء مثير للانتباه هو شهيدات فلسطين و مسجونات فلسطين حسيت إني بعيش مع كل واحدة منهم و بتخيل لو رواية اتكتب عنها هيكون شكلها ايه.

أعيب بس إن في جزء الكاتبات كان في شخصيات بعتبرها مش مثيرة للاهتمام خالص في منهم سيدات كل اللى عملوه كام قصيدة و خلاص..أظن التركيز على المميزات كان ليكون أهم لولا هدف الحصر اللى حطته المؤلفة في دماغها و عموما لها عذرها لان أهل البلد دى مضطرين يكونوا ذاكرة لبلادهم.

عموما جميل انك تشوف الورد المفتح في مصاعب فلسطين دى كلها و ازاى في ستات حاولوا مع كل ده إنهم يكونوا حاجة وسط النكبة والنكسة والحصار والتجاهل وكل اللى تحب تضيفه."


*****

ليست هناك تعليقات:

إرسال تعليق