الأحد، 30 مارس، 2014

قالت دينا ممدوح


# حوليات
(273)
قالوا عن ..


قالت " دينا ممدوح – مصر " عن كتابي / حد الوجع :

" الكتاب بينقسم لجزئين:

الجزء الأول مجموعة من القصص القصيرة.

القصص كلها متنوعة ومفيش واحدة تشبه الثانية.

جميل كمان إن الكتاب يتناثر به بعض الكلمات الفلسطينية واللي بتعيشك الجو الحقيقي للقصة فعلاً في قصص مؤلمة زى كانوا ثلاثة ووراء جدار وقصص ثانية.

إنما أكثرهن آلمًا بالنسبة لي كانت " أحلام متناثرة " وخصوصاً مع طريقه السرد اللي فأجتنى في الأخر.

وفى قصص حسيت أنها خلصت بسرعة أو كانت محتاجة تكون أقوى زى .. " أنا لا أتكلم في السياسة " و" ممنوع من الحج ".

قصة " في صندوق شاحنة " و" لاجئين رغم أنفنا " بتعبر ببساطة عن مأساة بيواجهها أهل غزة دائماً والإحساس كان واصل فيهم جداً. 

وقصة " في عشق الباشا " رائعة مفرداتها لكن كانت هتكون أفضل لو لم يتم التعريف بكلمة الباشا في عنوانها.

أما الجزء الثاني يتضمن مجموعة من المقالات اللي أتكلمت فيها امتياز عن غزة والمهاجرين والأنفاق وحرب غزة 2008.

المقالات دى لمستني جداً وخاصة مقال حرب غزة.

الكتابة عن تجربة شخصية بتفرق جدا عن كلام جرايد أو تليفزيون ، قدرت تخليني أشوف حال الفلسطينيين بعيونهم وأوصل لجزء من إحساسهم ووجعهم.

بعض المقالات ادتني طاقة ايجابية زى : للمكتئبين والمكتئبات وعن السعادة أتحدث.

حبيت كمان فكرة محاربة امتياز لاتجاهات كثير تتعارض مع الإسلام ، وده كان موضح أوى أنها ليها رسالة معينة حابة توصلها للقارئ ودى أجمل حاجة في الكتاب كله.

بالتوفيق يا امتياز وعقبال الكتاب المليون إن شاء الله."

******



هناك تعليقان (2):

  1. تنفعي ناقدة برافو عليك

    ردحذف
  2. شكرًا لك ، لكن هذا تعليق الصديقة دينا ممدوح ورأيها عن كتابي حد الوجع :)

    ردحذف